Thursday, January 16, 2014

නිදි නැති පෙමක සරදම

හීන ඇහැරෙන තරමට
නිදි නැති පෙමක සරදම
වැලපෙන නුඹේ මුහුණට
කිති කැව්වේද හෙමිහිට

මිදුලට පැමිණි අඩසඳ
තනිවම රඟන රැඟුමට
ගත රැඳි සිනිඳු සළු රොද
නුඹටම නොදැනි වැටුනද

ලඟ ලඟ දැනෙන හුස්මක
උණුහුම නෙතට දැනුනද
දෙතොලඟ නෙතඟ රැඳුනට
තව ලං වෙන්න නොහැකිද

දෙනෙතඟ කඳුලු කැට මත
ගිනිසිළු ඔබට දැනුනද
ඔබෙ උණුහුමට ඉකිබිඳ
ඉටිපන්දමත් හැඬුවද

එකේ කණිසම අභියස
ලිහේ නෙත රැඳි සළු වත
කොහේ කොතැනක තිබුනද
නෙතේ නලියන හදවත

කෙළවර ලඟදි තනිවම
ඉකිබිඳ හැඬුවෙ කුමටද
නුපුරුදු කෙනිත්තුමකට
මුදු ඔබ දෙතොල රිදුනද

No comments:

Post a Comment

හිතුන දේ දැනගන්න ආසයි