Saturday, April 6, 2013

එක් පෙත්ත

taken in SL

එක් පෙත්ත එක් පෙත්ත
ගැලවෙන්න විසිරෙන්න,
ඉතිරි වුනු පැතුම් පොදි
තර වෙන්න ඉඩ දෙන්න

ගිනි ගත්ත නගරයක
තනි වෙච්ච දිය රෙද්ද,
තනිව ගොඩනඟන්නට
හදනවද නගරයම?

තනි නොමැති ඔබ හිතට
තව තවත් දිරි දෙන්න
හිතට ආසයි හුඟක්
නමුදු මා නැත ලඟක

දිවිය සරි කරලන්ට
ඔබට ඇත හිත හයිය 
වැටුනු කඳු ඔසවන්න
වෙරැති සුරඟනකි ඔබ

හදට හද කොඳුරන්න
අවැසි නැත තනියෙන්ම
හඬා හිනැහෙමු සැවොම
මුලු ලොවට පෙනෙන්නට

තනි තරුව තනි නොමැත
ගිනි සිලුව රුදු නොමැත
ඇහෙන හඬ හැම හදෙම
අහමු මිය යන තෙක්ම

එක් පෙත්ත එක් පෙත්ත
ගැලවුනත් විසිරුනත්
පිපුණු මල මලක්මැයි;
හිනැහෙන්න මුලු ලොවට.....



1 comment:

හිතුන දේ දැනගන්න ආසයි