Sunday, April 14, 2013

උත්ථානයට මොහොතකට පෙර..


දෝංකාර දුන් හස කැන්
සන්තානයේ පියනගයි,
නිසොල්මන් කඳුලැලි
පා දෝවනය කරතත්....
ඉදින් සන්තාපය අහවරයි..
තුෂර බඳු අතීත අවතාරයන්
වෙලාගනිද්දී මිහිකත
මා හිඳිමි ගල්ලෙනට වී....
ආස්වාසය සිහිනයෙකි
කඳුලු, හසරැල් මායාවෙකි
ඔබ සැවොම ඡායාවෙකි
අහෝ ඈ ආලෝකයකි.
විඩාබර දෑස් පරදා
මස්තික්ෂයට වෙරදී
සොයාන එන්නම් මොහොතකින්..
ඒ මොහොතට මත්තෙන්
ඉඩ දෙන්න හදවතට තත්පරයකට
සන්තානයේ සැතපෙන්න සීතලට.



No comments:

Post a Comment

හිතුන දේ දැනගන්න ආසයි