Friday, October 26, 2012

මුල් පදය නැති කවක්


නූගත් මනස පීර පීරා
සොයන මුත් පද,
ලියනට නවමු කවක්;
මුල් පදය මත
පිටු ගණන් වැය කළ මට
විවේකය ලැබුනු විගස
පෑනේ තුඩට 
කෙළ උනන්නට විය.
කාමරේ මුල්ලක තිබුනු
කිලිටු හිස් කඩදාසියක
තින්ත පුරවත්ම,
පෑන හිතට කරනා ඔච්චම්,
හිතටත් දරාගත නොහැකි ඇති.
වර්ණවත් සරත් තුරු ලතා,
වසත් හරිත වන රේඛා,
ධවල ශීත ඇතිරිලි මත
හිත මා රැගෙන යන චාරිකාවත්
පෑනට එරෙහිවම වෙන්ට ඇති.
වචන වනයක සිර වුනත්
එපිට අදහස් සයුර වෙත
යන මඟක් නොසොයන්ට
පෑන කෙතරම් කපටිද?
වඩදිය ඉහල නැඟ නැඟ
වචන වනයම පීරා
පෑන තෙක් පැමිනෙන්නට
හිතත් කොතරම් කපටිද?

4 comments:

  1. "වචන වනයක සිර වුනත්
    එපිට අදහස් සයුර වෙත
    යන මඟක් නොසොයන්ට
    පෑන කෙතරම් කපටිද?"

    Just Siraa! Keep it up!

    ReplyDelete
  2. mul padaya nathuwada oba gathu ma kawiya sithuwili dahasak upadawanna wiya

    ReplyDelete

හිතුන දේ දැනගන්න ආසයි