Wednesday, October 24, 2012

හිත කෙසේ ඇහැරෙයිද?



දෙනෙත් හැර හිටියාට
නිදි නේද හිත තාම..
ඉදිරියට යන පියවරට
සියක් පිය පසුපසෙට
රැගෙන යන ලෝකයක
හිත කෙසේ ඇහැරෙයිද?

ජීවිතය නම් කැන්වසයේ
සිත්තරාට ඉඩ නොදී
අන් සැවොම පාට තවරන කලෙක
හිත කෙසේ ඇහැරෙයිද?

පවුරු වලළු මැද
වහල් නළුවන් යොදා
පවුරෙන් එපිට 
තණබිම් වසන් කරනට
සැනකෙළි නටන විටෙක
හිත කෙසේ ඇහැරෙයිද?

මායා, මාලා වලළු,
ගෙල බැඳි යදම් වී
ඉදිරියට යන අපව
ගැටගසා දමන විට
දෙනෙත් හැර සිටින මුත්
හිත කෙසේ ඇහැරෙයිද?

නොපවතින තාප්ප,
වැට කඩොළු, සීම මායිම්
පැන යන්ට හැකිද
නොඅවදි සිතකින්?

පියාගමු දෙනෙත්
අවදි වන අදහසින්,
බලමු ලොව දෙස සිතින්
සිත අවදි නොමැති නම්
දෙනෙත් හැර කිම පලක්..


2 comments:

  1. එක වචනයකින් විතරක් කියන්නම් සහෝ...

    "විශිෂ්ඨයි!"

    ReplyDelete
  2. 1 question. obe deas wiwurtha kalath nokalath, hadawatha awadi kalath, handa nagannata, piya nagannata, e kiyanne wachana kriya karawannata nolabena samajayaka hudu awadiweemak pamanakma pramaanawathda?

    ReplyDelete

හිතුන දේ දැනගන්න ආසයි