Saturday, December 31, 2011

හිරු අනෙක් පසින් පායයි නම්



හිරු අනෙක් පසින් පායයි නම්
ලොව නවමු ඇසක් බිහි වේවි
කවි නව මුහුණුවරක් ගනීවි
අපි අපිම ගැන
අලුත්, වෙනත් හිතකින් හිතාවි

හැමදාම දකින දේ එලෙසම දකිනු කුමට?
දුර ඈත තැනෙක 
අපි නොදුටු සොඳුරු රූ
හඹා නොයනු ඇයි
තරු කඩා පොළොවට දමා
හඳ තමා ලඟට ලං කරනු නොහැකි ඇයි

ජනතාව පැරණි ඒ තැනින් පිටට නො එද?
මඟ පාර හොඳට
හැමදාක තිබේ නම්
වඩිමු නිවහල් ව;
හැමදාම පෙර ලෙසම
මැරුණ, දිරුණ තැන ගෙවල් තනා
අපි තැවෙනු කුමකටද?

No comments:

Post a Comment

හිතුන දේ දැනගන්න ආසයි