Thursday, October 6, 2011

අපි යන මේ මඟද අවසන විනාසෙට


දහසක් දෙනා තම මුළු දවසම වෙහෙසේ
අඹු සැමි නොවන යුවලක් කෙලියට සැරසේ
දන සෙන් බෝඩ් අල්ලාගෙන උස අහසේ
උද්ගොසනකට රිසියෙන් සැරසෙන විලසේ


දහසක් ළමුන් පාසල් යන කලාවට
සහසක් බලා සිටියා ඇර රිලා කට
පිරිසක් මඟ අසල ලොල් වී සුරාවට
අපි යන මේ මඟද අවසන විනාසෙට


පසිඳු ළඳුන් ඇත රඟ දෙන විලාසෙන
කිසිවකු නොදනිතිය හවසට නටන රඟ
කන්නට යමක් නොමැතිව ඇත දසක් දන
දෙන්නට මුදල් නැත උන් නොනැටුවොත් රඟ


කන්නට යමක් නැතිවත් අත, අඹුන්ගේ
නවතනු නොහැක පානය ඒ තමන්ගේ
හසුවන්නැතුව අඟනුන්ගේ වසන්ගේ
යන්නේ කොපමණද ගෙට තම දරුන්ගේ


පුරවර මැදින් හමනා ඒ කුණාටුව
උද්ගොසනකට පෙන්වයි එහි මුසා බව
තඹයක වගක් නැති කළ අත ආණ්ඩුව
කාහට කියනු දැයි ඒ නඩු තීන්දුව


යායක් පුරා නැවතුනු වාහන සද්දේ
මතකෙට නඟයි තිස් වසරක් කළ යුද්දේ
වාහන එකින් එක පවනට දුම් විද්දේ
ඕකද අපිට දුන් ඒ උරුමය සුද්දේ


නගරය අසල කඩයක් තුළ ඇත ගින්නක්
වැස්සට වුවද එය නම් නොම නවතින්නක්
නොපෙනෙන නමුත් අවටට එය පැතිරෙන්නක්
එය දෙයි පවුලකට කලකට බඩගින්නක්


මේ බැව් නොදන්නා අය පුර, පුරාවට
හයියෙන් සිනාසෙයි කට පිරි මුසාවට
කිසි අගයක් නැතිද අවංක හිනාවට
අපි යන මේ මඟද අවසන විනාසෙට







2 comments:

  1. "api yana me maghada awasana winaseta??" kiyala oya hodatama dannawa man hithanne anyways ppl r different so different paths bt one thing is common u shud face da consequences of da choices u made..... i'm not gonna say anything more abt tht oneday everybody would b able to find da answer to ur question(hopefully) da poem is soooo gr8 one of ur best poems:):))))
    a big fan
    c.py

    ReplyDelete

හිතුන දේ දැනගන්න ආසයි